Farmon bilan Yangi O'zbekiston taraqqiyot strategiyasini amalga oshirish jarayonida orttirilgan tajriba va jamoatchilik muhokamasi natijalari asosida ishlab chiqilgan «O'zbekiston – 2030» strategiyasi tasdiqlandi.
Hujjatda quyidagi asosiy g'oyalar aks ettirilgan:
• barqaror iqtisodiy o'sish orqali daromadi o'rtachadan yuqori bo'lgan davlatlar qatoridan o'rin olish;
• aholi talablariga va xalqaro standartlarga to'liq javob beradigan ta'lim, tibbiyot va ijtimoiy himoya tizimini tashkil qilish;
• aholi uchun qulay ekologik sharoitlarni yaratish;
• xalq xizmatidagi adolatli va zamonaviy davlatni barpo etish;
• mamlakatning suvereniteti va xavfsizligini kafolatli ta'minlash.

«O'zbekiston – 2030» strategiyasi doirasida o'z dolzarbligini yo'qotmagan barcha maqsadlarga erishish, shuningdek, Yangi O'zbekistonni rivojlantirish strategiyasida belgilangan vazifalarni amalga oshirish ta'minlanadi.

Hujjat bilan «O'zbekiston – 2030» strategiyasini amalga oshirish bo'yicha Respublika komissiyasi tarkibi tasdiqlandi.

Jinoyat ishlari bo'yicha
Oltinsoy tuman sudining raisi
K.Nazarov